Sirit-presyo sa diesel, gasolina nakaumang

Inaasahang muling tataas ang presyo ng langis sa mga gasolinahan sa Martes, Mayo 19 dahil sa panibagong tensyon sa Middle East na nakaapekto sa pandaigdigang suplay ng langis.
Batay sa industry estimates, maaaring tumaas ang presyo ng diesel ng humigit-kumulang ₱2 hanggang ₱2.50 kada litro, habang posibleng madagdagan ng ₱0.75 hanggang ₱1.25 kada litro ang gasolina.
Ang inaasahang price hike ay bunsod ng muling pagtaas ng global crude prices dahil sa pangamba sa posibleng pagkaantala ng suplay mula sa mga pangunahing oil-producing regions.
Mas apektado umano ang diesel dahil malawak itong ginagamit sa freight, agrikultura, pampublikong transportasyon, at mga industriyal na operasyon kaya mahirap bawasan ang demand kahit mataas ang presyo.
Patuloy namang nahaharap ang Pilipinas, na umaasa sa imported oil, sa sunod-sunod na oil price adjustments nitong mga nakaraang buwan dahil sa patuloy na problema sa pandaigdigang suplay ng langis.