Presidential legal counsel, hukom, iDOJ officials, nag-aaplay bilang Deputy Ombudsman

Kabilang si Chief Presidential Legal Counsel Anna Liza Logan, ilang regional trial court judges, at mga opisyal ng Department of Justice (DOJ) sa mga nag-aaplay para sa posisyon ng Deputy Ombudsman for Luzon.
Sa Facebook post ng Supreme Court, hinikayat ang publiko na magbigay ng impormasyon, opinyon, o komento tungkol sa mga aplikante sa pamamagitan ng online survey ng Judicial and Bar Council (JBC).
May 15 aplikante para sa posisyon, kabilang sina Richard Bala Balucio, Paul Albania Beloso, Cathy Diaz Cardino, Dennis Arvin Lim Chan, Joeven Diaz Dellosa, Francisco Padilla Felizmenio, Rafael Godinez Hipolito, Anna Liza Gonzalez Logan, Ryan Pajares Medrano, Dennis Agustin Mendoza, Rodolfo John Robert Castillo Palattao IV, Ilya Kristine Rivera Ravanera, Jason Genova Rodenas, Teofilo Gala Valera Tamolang Jr., at Nicholas Felix Lopez Ty.
Ayon sa Supreme Court, “The public is encouraged to share their thoughts, concerns, or comments about the applicants.”
Ang bagong Deputy Ombudsman for Luzon ang papalit kay Cornelio Somido, na magtatapos ang termino sa Agosto 27, 2026.
=====