PBBM: Edukasyon, kayamanang hindi mananakaw

Hinimok ni Pangulong Bongbong Marcos ang mga mapipiling benepisyaryo ng Bagong Pilipinas Barangay Scholars na pagbutihin pa ang kanilang pag-aaral, sa pagsasabing ang edukasyon ay isang kayamanang hindi kailanman maaaring makuha o manakaw ng sinuman.
Sa kanyang pahayag sa “Bawat Bayan Makikinabang” event sa General Santos City, sinabi ng Pangulo na ang mahusay na edukasyon ay nagsisilbing permanenteng yaman ng isang tao.
“Ang mahusay na edukasyon ay isang kayamanan na hindi kayang kunin sa inyo habang buhay. Hindi puwedeng mawala, hindi puwedeng nakawin, hindi puwedeng agawin,” ani Marcos.