‘Missing’ na nene, natagpuang bangkay nakasilid sa sako

Natagpuang wala nang buhay ang 9-anyos na batang babae nang iulat na nawawala sa Barangay Can-ayan, Malaybalay City, Bukidnon.
Batay sa ulat, natagpuan ng kanyang pamilya ang biktima na nakasilid sa isang sako at itinapon sa gilid ng bangin sa nasabing lugar.
Ayon sa imbestigasyon, una nang nai-report na nawawala ang bata noong Abril 14, 2026.
Sa kasalukuyan, patuloy pa ang isinasagawang imbestigasyon ng mga awtoridad upang matukoy ang salarin at ang motibo sa krimen.