Kaso ng dengue bumaba ng 56%

Bumaba ng 56% ang kaso ng dengue sa bansa mula Enero hanggang Mayo ngayong taon kumpara sa kaparehong panahon noong nakaraang taon, ayon sa Department of Health (DOH).
May kabuuang 50,727 kaso ng dengue ang naitala sa unang limang buwan ngayong taon.
Noong nakaraang taon ay may naitalang 114,308 kaso ng dengue mula Enero hanggang Mayo 2025.
Sinabi ng DOH, layunin ng community cleanup drive na puksain ang posibleng breeding places ng dengue virus-carrying mosquitoes na nakapag-ambag sa pagbaba ng kaso ng dengue ngayong taon.