Heat index sa Infanta, Quezon pumalo sa 49°C

Naitala ang mapanganib na heat index sa Infanta, Quezon nitong Huwebes, Hulyo 16 sa 49 degrees Celsius.
Naitala ang naturang temperatura 2:00 ng hapon.
Ayon sa PAGASA, ang heat index na mula 42°C hanggang 51°C ay nasa ilalim ng “Danger” category na maaaring magdulot ng heat cramps, heat exhaustion, at heat stroke.
Inabisuhan ang mga residente ng naturang bayan na uminom ng maraming tubig, magsuot ng light at comfortable clothing at iwasang magbabad sa initan mula 10:00 ng umaga hanggang alas-4 ng hapon.