Chinese rocket debris babagsak sa Palawan, Sulu, Basilan

Nagbabala ang Philippine Space Agency (PhilSA) sa posibleng pagbagsak ng rocket debris ng China sa loob ng Philippine archipelagic waters at exclusive economic zone (EEZ).
Ito ay matapos ilunsad ang Long March 8A mula sa Hainan International Commercial Launch Center sa Wenchang, Hainan, China, bandang 4:52 p.m. (oras sa Pilipinas) noong Martes.
Ayon sa PhilSA nitong Miyerkoles, may dalawang posibleng drop zone ang rocket debris.
Kabilang sa unang drop zone ang mga lugar na 92 nautical miles mula sa Patag Island, 143 nautical miles mula sa Bajo de Masinloc, at 194 nautical miles mula sa Busuanga, Palawan.
Ang ikalawang drop zone ay sa 52 nautical miles mula sa Puerto Princesa, Palawan; 23 nautical miles mula sa Tubbataha Reefs Natural Park; 103 nautical miles mula sa Pangutaran Island, Sulu; at 113 nautical miles mula sa Hadji Muhtamad, Basilan.