Birth certificate kailangan sa BSKE – Comelec

Kakailanganin na ngayon ng Commission on Elections (Comelec) ang pagsasama ng mga birth certificate sa paghahain ng mga kandidato para sa 2026 Barangay at Sangguniang Kabataan Elections (BSKE) gayundin sa mga susunod na halalan, sinabi ng ni Comelec Chairman Erwin George Garcia.
Punto ng poll chief, nais nila na ang lahat ng kandidato na maghahain ng kanilang candidacy ay may kalakip na birth certificate.
Paliwanag pa ng opisyal, ito ay upang malaman kung kailan talaga ipinanganak ang isang tao na maghahain ng kanyang kandidatura.
Bukod dito, para maiwasan ang mga underage at ang napakaraming kaso na natatanggap ng komisyon.
Umaasa si Garcia na ang karagdagang kinakailangan sa dokumentaryo ay makakatulong sa pagtugon sa mga umuulit na isyu sa halalan, kabilang ang mga tanong sa edad at pagkamamamayan ng mga kandidato.
Ang hakbang ay kasunod ng pagsisiyasat sa mga nakaraang kandidatura, kabilang ang kay dating Bamban, Tarlac Mayor Alice Guo, na kalaunan ay napag-alamang Chinese. Nauna nang sinabi ni Garcia na may ministerial function ang Comelec sa pagtanggap ng mga certificate of candidacy (COCs).