Auditor, 28 taon nagtago bago natiklo

Arestado ang isang auditor na 28 taong nagtago sa kasong pagnanakaw sa Las Piñas City ng Southern Police District-Special Operations Unit (SPD-SOU).
Kinilala ang suspek na si alyas ‘Belmin’, 58 taong gulang, na naaresto kamakailan sa kaniyang tahanan sa Pilar Village.
Katuwang sa pagdakip ng SPD-SOU at iba pang unit nito ang Criminal Investigation and Detection Group (CIDG) Baguio City Field Unit .
Sa report, ang auditor na si Belmin ang no. 3 most wanted person sa regional level ng CIDG Regional Field Unit (RFU) 14 at No. 2 sa provincial level ng CIDG Baguio Field Unit.
Dinakma ang suspek batay na rin sa warrant of arrest na inilabas sa Regional Trial Court Branch 3 ng Benguet, Baguio City noong Hunyo 9, 1997, kaugnay sa kasong robbery.