Angkas babawasan komisyon sa mga rider

Inihayag ni CEO George Royeca na bababaan nila ang kinukuha nilang komisyon mula sa kita ng kanilang mga rider.
Aniya, mula sa dating 20%, ibababa na ito sa 18% para sa lahat ng mga rider.
Layunin nitong makatulong sa mga rider ngayong panahon ng krisis.
Bukod sa bawas komisyon, mananatili pa rin aniya ang kanilang “tiered commission scheme” na 15% hanggang 0%.
Ito ay nagsisilbing dagdag na insentibo para sa mga rider ng nasabing motorcycle taxi app.
“We will lower po our commission para sa lahat ng aming bikers from 20 percent down to 18 percent while still maintaining the tiered commission scheme of 15 percent up to zero percent as added incentives of our bikers during the crisis,” pahayag ni Royeca sa isang pagdinig ng Kamara nitong Abril 15.