Max Collins, pagod ng hanapin ang ama

Nawalan na ng pag-asa si Kapuso actress Max Collins na makita pa ang ama niya matapos ang ilang taong paghahanap.
Nausisa si Max kung ipapahanap pa raw ba niya ang kaniyang ama sakaling may makilalang man tracker.
“Yes,” sagot ni Max. “Kasi sinubukan ko naman, e. But I couldn’t find. I wasn’t successful. So I would hire.”
Pero ayon sa kaniya, pagod na raw siya.
“Okay na ‘yon. Kasi wala naman siyang pakinabang sa buhay ko. Not to be mean, but it’s like my mom did everything. Siya ‘yong tumayong ina at ama sa aming pamilya. So hindi ko siya kailangan,” dugtong pa ng aktres.
Nagkahiwalay umano ang mga magulang ni Max noong sanggol pa lamang siya at simula noon hindi na bumalik pa.
Aniya, “Hindi naman niya ako hinanap. So ba’t ko naman siya kailangang hanapin? It’s not out of anger.”
Kalaunan, napagtanto ni Max na hindi raw pala niya kailangang hanapin ang ama niya para maging buo siya, gaya ng inaakala niya noong bata siya.