Walang pasok ngayon sa National Capital Region at 16 probinsiya sa Luzon dahil iniutos ngayon ng Malacanang ang kanselasyon ng face-to-face class at lilipat sa alternatibong paraan dahil sa masamang panahon at masamang hangin sanhi ng polyusyon.
Lead:
Nagpalabas ang Malacañang ng Memorandum Circular Number One-Hundred Thirty-Four na nag‑uutos sa lahat ng pampubliko at pribadong paaralan sa NCR at labing-anim na probinsya sa Luzon na gumamit ng alternative learning modes ngayong Biyernes, Setyembre 4, 2026.
Ang hakbang ay bunsod ng inaasahang tuloy‑tuloy na malakas na ulan dulot ng pinalakas na Habagat at mahinang kalidad ng hangin sa NCR na sanhi ng haze mula sa peatland fires sa Indonesia.
Bukod sa NCR, wala rin pasok sa Ilocos Norte, Ilocos Sur, La Union, Pangasinan, Abra, Benguet, Zambales, Bataan, Bulacan, Tarlac, Pampanga,Cavite, Laguna, Batangas, at Occidental Mindoro.
Ayon sa circular, “alternative learning modes and continuity measures shall be implemented at all levels in public and private educational institutions… maliban na lamang kung magpapasya ang mga lokal na opisyal na kanselahin o suspendihin ang klase.”
Kaugnay nito, ang Habagat ay patuloy na nagdadala ng malakas na ulan sa Luzon.
Delikado rin ang polyusyon sa hangin dahil laganap sa NCR o mumunting alipato na nagmumula sa matinding sunog sa kagubatan at peatland sa Kalimantan at Sumatra, Indonesia.
Layunin ng hakbang na tiyakin ang kaligtasan ng mga mag‑aaral habang nagpapatuloy ang edukasyon sa gitna ng masamang panahon at polusyon sa hangin.
Naglabas ang PAGASA ng forecast na patuloy ang malakas na ulan sa Metro Manila at iba pang bahagi ng Luzon dahil sa pinalakas na Habagat. May posibilidad ng pagbaha at landslide sa mga apektadong lugar.