Mga ‘di bumoto, ‘di sumuporta sa ‘impeach VP Sara’ tinanggal sa liderato ng Kamara

Hinubaran na ng kapangyarihan ang mga mambabatas na hindi bumoto ng kontra at hindi sumuporta sa impeachment case ni Vice President Sara Duterte.
Unang sinibak ng liderato ng Mababang Kapulungan ng Kongreso bilang Deputy Speaker si Ilocos Sur 2nd District Rep. Kristine Meehan-Singson sa rigodon sa panibagong rigodon na ipinatupad nitong Lunes ng gabi.
Ipinalit kay Meehan-Singson si Negros Occidental 6th District Rep. Mercedes Alvarez.
Si Meehan-Singson ay kabilang sa 26 congressman na hindi sumali sa botohan sa impeachment case laban sa pangalawang pangulo noong May 11, 2026.
Ihinalal din bilang mga bagong Assistant Majority Leaders sina Batangas Rep. Beverly Rose Dimacuha, Misamis Occidental Rep. Jason Almonte, Camarines Sur Rep. Nelso Legacion at Nueva Vizcaya Rep. Timothy Joseph Cayton.
Pinalitan ng mga ito sina Taguig Reps. George Daniel Bocobo at Ricardo Cruz, Batangas Rep. King Collantes at Ilocos Sur 1st District Rep. Ronald Singson.
Tinanggal din ang vice chairmanship ng House committee on appropriations kay Rep. Ronald Singson na anak ni dating Ilocos Sur Gov. Chavit Singson na kabilang sa mga kritiko ngayon ni Pangulong Ferdinand “Bongbong” Marcos Jr.
Maliban kay Collantes, sina i Bocobo at Singson ay hindi sumali sa botohan sa impeachment case ni Duterte habang nag-abstain naman si Cruz.
Si Collantes na bumoto ng yes sa impeachment case ay nahalal naman bilang bagong chairman ng House committee on revision of law kung saan pinalitan nito si Rizal Rep. Emigdio Tanjuatco III na hindi rin sumali sa botohan sa impeachment.
Samantala si Veloso-Tuazon ay ihinalal naman bilang chairperson ng House committee on climate change kapalit ni Batangas Rep. Aniela Bianca Tolentino na ihinalal naman bilang bagong chairperson ng committee on ecology.
Pinalitan ni Tolentino si Bohol Rep. Maria Vanesa Aumentado na kabilang sa bumoto ng “no” sa impeachment case ni Duterte.
Nahalal naman bilang chairman ng Committee on Science and Technology Aklan Rep. Jesus Marquez kung saan pinalitan nito si Negros Occidental Jules Ledesma na nahalal naman bilang bagong chairman ng House committee on economic affairs.
Pinalitan ni Ledesma si Antique Rep. Antonio Legarda Jr., na kabilang sa bomoto ng “no “ sa impeachment case ni Duterte.
Si Bukidnon Rep. Jose Manuel Alba na hindi sumali sa botohan sa impeachment ay tinanggal din bilang chairman ng committee on sustainable development goals at ipinalit sa kanya si Antipolo Rep. Philip Conrad Acop.
Si Bohol Rep. Kristine Alexie Tutor na bumoto ng No sa impeachment case inalis din bilang chairperson ng special committee on globalization and WTO at pinalitan ni Mandaluyong Rep. Queenie Gonzales.
Ang isa pang hindi sumali sa impeachment votings na si Agusan del Sur Rep. Alfelito Bascug tinanggal bilang s chairmanship ng special committee on person with disabilities at ipinalit sa kanya si Tawi-Tawi Rep. Dimszar Sali.
Tinanggal din bilang chairman ng Committee on flagship program ang projects si Rizal Rep. Arturo Garcia Jr., na hindi sumali sa impeachment voting kung saan ipinalit sa kanya si Valenzuela Rep. Kenneth Gatchalian.

====