1 sa robbery-slay suspect ng Lebanese at misis timbog

Naaresto ang pangunahing suspek sa armadong pagnanakaw na ikinasawi ng Lebanese na negosyanteng si Fahed Hamdan at kanyang asawang Pilipina na si Anora Hamdan noong Abril 10 sa Zamboanga City
Kinilala ang suspek sa pangalang Binasing Jamil y Cotamora, na nadakip sa Lantawan, Basilan Province, sa isinagawang hot pursuit operation ng mga operatiba  ng  Basilan Police office , Zamboanga City Police Office at katuwang ang Police Regional Office 9.
Patuloy namang hinahanap ang iba pang posibleng kasabwat sa insidente.
Nagpahayag ng papuri ang ilang opisyal sa mabilis na aksyon ng kapulisan, kabilang si Khymer Olaso, sa kanilang kooperasyon upang mabigyang linaw at hustisya ang kaso.
Inaasahan ang karagdagang detalye hinggil sa insidente sa mga susunod na ulat.