Ang Local Government ng Malabon sa panguna ni Mayor Jeany Sandoval nag kaloob ng ng 39 Push -to Talk over cellur (POC) radiophone sa Malabon City police station bilang bahagi na pagsikap palakasin ang kumunikasyon sa pagtugon ng emergency situation .
Layon nito na bigyan ang mga tauhan ng pulisya ng karagdagang kagamitan sa komunikasyon na magpapadali sa mas mabilis na koordinasyon at mas mahusay na pagbabahagi ng impormasyon sa panahon ng mga operasyon ng pulisya, mga emergency, at iba pang sitwasyong nangangailangan ng agarang pagtugon.
Ayon kay Mayor Sandoval napakahalaga ang mabilis at maayos na komunikasyon sa pagpapanatili ng kaligtasan at seguridad ng ating mga kababayang Malabueño
Binigyang-diin ng alkalde ang pagbibigay ng angkop na kagamitan sa mga frontline personnel ay bahagi ng patuloy na suporta ng pamahalaang lungsod para sa mga nakaatang tungkuling panatilihin ang kapayapaan at kaayusan, pati na ang pagtugon sa mga emergency sa buong Malabon.
Ang 30 POC radiophone ay gagamitin ng mga tauhan ng pulisya upang mapadali ang komunikasyon at koordinasyon sa field nang real-time. Inaasahang makatutulong ang mga aparatong ito sa mas mahusay na paghahatid ng mahahalagang impormasyon, koordinasyon ng mga operasyon, at pagpapakilos sa mga angkop na tumutugon kung kinakailangan.
Dumalo sa turnover ceremony sina Councilor Leslie Yambao, City Administrator Dr. Alexander T. Rosete, Malabon Police Chief P/Col. Kenneth Mission, PSSg. Renz Joseph Pamplona, PLt. Jairus Montero, at ang Officer-in-Charge ng Malabon Disaster Risk Reduction and Management Office (MDRRMO) na si G. Roderick Tongol.
Sinabi ni Dr. Rosete na ang pagpapalakas sa kakayahan sa komunikasyon ng mga frontline personnel ay makatutulong upang mapabilis ang paghahatid ng mahahalagang impormasyon at ang pagpapakilos sa mga angkop na tumutugon.
Muling tiniyak ni Mayor Sandoval na patuloy na magbibigay ng suporta at mga kagamitan ang pamahalaang lungsod upang mapalakas ang kakayahan ng mga frontline personnel sa paghahatid ng mabilis at epektibong serbisyo sa mga mamamayan ng Malabon.(Roger Panizal)
