MAGHAHAIN ng motion for inhibition si National Bureau of Investigation (NBI) Director Melvin Matibag laban sa City Prosecutor ng Davao City Prosecutor’s Office na humahawak sa libel at cyberlibel complaints laban sa kanya at iba pang respondents na isinampa ni Davao City 1st District Rep. Paolo Duterte.
Bukod sa pagpapa-inhibit, hihilingin din ni Matibag na ilipat ang venue ng dalawang complaint sa National Prosecution Service ng Department of Justice (DOJ).
Sinabi ng opisyal, “may sense ng alarming reason” dahil natuklasan na si Davao City Prosecutor Jhopee Salvador Avanceña ay first cousin ng common-law partner ni dating Pangulong Rodrigo Duterte na si Honeylet Avanceña.
ASabi ng NBI director Matibag, kahapon,( Lunes) ay posibleng maihain ang motion for inhibition na may kasamang motion to suspend proceedings sa Department of Justice (DOJ) at sa Davao City Prosecutor’s Office .
Nitong nakalipas na Biyernes, Oktubre 23, nang sampahan ni Rep. Duterte ng libel at cyber libel si Matibag, dating pulis na si Rodulfo Gracioso Jr. at mga opisyal at media personalities ng GMA network kaugnay sa mga alegasyon na male-maletang pera ang idineliber kay Vice President Sara Duterte, Rep. Duterte at dating pangulong Duterte, sa utos ni dating Speaker Lord Allan Velasco. (Gina Garcia)