CAPTION : MAGKATUWANG na sabayang ng ribbon cutting sina mula kalawa
Ms. Lorna D. Fabian SVP for Leasing, Araneta City, Ms. Elea V. Perez Head of Consular Office, CO NCR Northeast DFA, Dir. Charles Andrei P. Macaspac Director, Consular Office Coordinating Division, Mr. Manuel “Mar” A. Roxas President, Progressive Development Corporation (PDC) under Araneta Group, Araneta City, Usec. Maria Theresa B. Dizon – De Vega Undersecretary for Administration DFA, Assec. Anne Jalando-on Assistant Secretary Office of Consular Affairs DFA, Hon. Wencerom Benedict “Wency” Lagumbay Councilor, District III, Quezon City, Mr. Juan Rowell L. Recinto Senior Management Consultant, Araneta City, Mr. Morriel A. Abogado Vice President for Operations, Araneta City. Kaugnay ng ginanap inauguration at blessing ceremony para sa bagong pasilidad ng konsular office sa Ali Mall Araneta City. (REY NILLAMA)
Mas inilapit sa publiko ang serbisyo ng pamahalaan matapos isagawa ng Department of Foreign Affairs (DFA) at Araneta City ang inauguration at blessing ceremony para sa bagong pasilidad ng konsular office sa Araneta City.
Pinangunahan ang seremonya nina DFA Undersecretary for Administration Maria Theresa B. Dizon-De Vega, Assistant Secretary Anne Jalando-on at Consular Office Director Charles Andrei P. Macaspac, kasama ang mga opisyal ng Araneta City na sina Senior Vice President for Leasing Lorna D. Fabian, Senior Management Consultant Juan Rowell L. Recinto at Vice President for Operations Morriel A. Abogado.
Pinagpala ang pasilidad ni Rev. Fr. Hernani Añis, OCD.
Binigyang-diin naman ni Progressive Development Corporation (PDC) President Manuel “Mar” A. Roxas ang mahalagang papel ng pribadong sektor sa pagpapalakas ng serbisyong pampubliko.
Ayon kay Roxas, ang paglalagay ng mahahalagang tanggapan ng pamahalaan sa mga commercial hub ay nagbibigay ng mas maginhawa at ligtas na access sa mga serbisyong kailangan ng publiko.
“We are proud to host vital government institutions right here in Araneta City, ensuring that our fellow citizens can access critical consular services in a comfortable, secure, and accessible environment,” ani Roxas.
Samantala, ipinahayag ni Quezon City District III Councilor Wencerom Benedict “Wency” Lagumbay, na kumatawan kay Mayor Joy Belmonte, ang suporta ng lokal na pamahalaan sa naturang public-private partnership.
Ayon kay Lagumbay, malaking pakinabang ito sa mga residente dahil mas napapadali ang pag-access sa mga serbisyo ng pamahalaan at nababawasan ang abala sa mga transaksiyon.
Layunin din ng bagong lokasyon na mabawasan ang red tape at siksikan sa mga pangunahing government service hub.
Ayon kay Consular Office NCR Northeast Head Elea V. Perez, makatutulong ang estratehikong lokasyon upang mapalawak ang kapasidad ng tanggapan at maserbisyuhan ang dumaraming aplikante.
Mayroon ding maayos na client spaces at courtesy lanes para sa senior citizens, buntis at persons with disabilities (PWDs).
Sa pagtatapos ng programa, muling pinagtibay ng DFA, Araneta City at mga kinatawan ng lokal na pamahalaan ang kanilang layuning gawing mas mabilis, maayos at makatao ang serbisyo publiko.
Sa bagong pasilidad, inaasahang magiging mas maginhawa ang pagkuha ng passport at iba pang serbisyong konsular para sa mga Filipino.(Rey Nillama)