VAT sa system loss, tatanggalin ni Hontiveros

Tatanggalin ni Senador Risa Hontiveros ang sinisingil na value added tax (VAT) sa system loss charges ng lahat electric companies at kooperatiba upang mabawasan ang binabayaran sa singil sa kuryente.
Sa pahayag, sinabi ni Hontiveros na nakatakda sa Senate Bill No. 2076 na aalisin ang sinisingit na VAT sa system loas charges na ipinasa sa consumer kada buwan ng singil sa kuryente.
Aniya, hindi dapat pabigatin pa ang pinapasan ng consumer na itinuturong na ‘double burden: sa pagbabayad ng VAT bukod sa pasa “already absurd” systems loss charges na ipinapasa ng electric utilities.
“Itong VAT sa systems loss ay dobleng pasakit at insulto: Pinagbabayad na nga tayo ng systems loss na hindi natin napakinabangan, tapos pagbabayarin pa tayo ng buwis dito. We must immediately end this unfair arrangement, especially now that electricity costs are going up,” ani Hontiveros.
Sinabi ni Hontiveros na amendahan ng panukala ang  National Internal Revenue Code (NIRC) upang aalisin ang  systems loss charges mula sa transactions subject to VAT. “Systems loss under the bill refers to “the difference between the electrical energy delivered to the distribution system (energy input) and the energy delivered to the residential household consumers (energy output).”
“VAT is a consumption tax on goods and services. Systems loss charges – which represents losses in the distribution and delivery of electricity, are neither goods nor services purchased by power consumers. Hindi dapat pinapatawan ng VAT diyan ang mga pamilyang nagbabayad ng kuryente,” ayon kay Hontiveros.
“By removing the VAT on systems loss charges, we are not just making our tax policies more fair and just – we are also providing immediate relief to consumers facing higher electricity bills this summer season,” giit ng senador.
Sinabi pa ng senador na isa lang ang naturang panukala sa planadong pakete ng ilang legislative measures na magbibigay tulong sa power consumers, partikular ang low-income households, sa gitna ng tumataas na halaga ng pangunahing bilihin sanhi ng sigalot sa Gitnang Silangan.
“Maghahain pa tayo ng karagdagang panukalang batas sa Senado para bawasan ang pasanin ng power consumers kada buwan, at kahit papaano ay makatipid ang pamilyang Pilipino ngayong panahon ng krisis,” ayon kay Hontiveros.