PHOTO : SABAYANG nilagdaan ng magkabilang opisyal ng MPPT at Skechers na sina Suzette Pasustento Skechers Philippine Country Manager, Mark Espinosa MPPT Commissioner, Alex Aime head of Business Dev MPPT at Cedelf Tupas MPPT Chief Marketing Officer bilang pagkakaisang partner para ikatatagumpay ng larong Pickleball sa bansa makaraang ganapin ang lagdaan sa Velaris Residences Show Gallery, West Drive Bridgetowne, Pasig. (REY NILLAMA)
Kasaysayan sa Philippine Sports: Skechers at MPPT, Nagka-isa para sa Paglago ng Pickleball!
Mainit na sinalubong ng mga opisyal mula sa magkabilang panig ang alyansang ito. Pinangunahan ito ni Suzette Pasustento, ang Country Manager ng Skechers Philippines, kasama ang mga lider ng MPPT na sina Commissioner Mark Espinosa, Head of Business Development Alex Aime, at Chief Marketing Officer Cedelf Tupas.
Ayon kay Pasustento, perpektong akma ang partnership na ito sa layunin ng Skechers na suportahan ang mga aktibong Pilipino. “Masaya kaming makasama ang local sports community at mabigyan ang mga atleta ng pinakamagandang footwear technology para sa kanilang laro,” aniya.
Para naman kay Commissioner Espinosa, patunay lamang ito na mabilis na lumalago ang pickleball sa bansa at nagbibigay ito ng malaking suporta para sa mga sumisibol na atleta. Ibinida rin nina Tupas at Aime na dahil sa suportang ito ng Skechers, mas mapapalawak pa nila ang mga grassroots program para mas marami pang Pilipino ang mahilig pumasok sa isports na ito.
Bakit Mahalaga Ito? Sa tulong ng Skechers, masisiguro ang mas magandang suporta para sa mga atleta at mas malawak na oportunidad para sa mga nais sumubok ng pickleball sa buong bansa.(Rey Nillama)
