Inatasan ni Pangulong Ferdinand Marcos Jr. ang mga ahensya ng pamahalaan na ibigay ang lahat ng maaaring itulong sa pamilya ng overseas Filipino worker (OFW) na nasawi sa missile attack sa Haifa, Israel.
Nagpaabot ng pakikiramay ang Pangulo sa pamilya ng hindi pa pinangalanang OFW.
Sinabi ng Pangulo na iniutos na niya na siguruhing maiuwi agad sa Pilipinas ang labi ng OFW, at nakaantabay na aniya ang Philippine Embassy sa Tel Aviv upang maibigay ang lahat ng kinakailangang tulong.
“Nakikiramay tayo sa pamilya ng ating kababayang nasawi sa naganap na missile attack sa Haifa, Israel. Kasama nating nagluluksa ang kanyang pamilya sa gitna ng isang trahedyang hindi dapat maranasan ninuman,” anang Pangulo.
Sinabi ng Pangulo na patuloy na binabantayan ng gobyerno ang sitwasyon sa Gitnsng Silangan at prayoridad aniya ng gobyerno ang kaligtasan ng bawat Pilipino.
Hangad ng Pangulo na magkaroon ng lakas at kapanatagan ang pamilya ng OFW sa gitna ng pagdadalamhati dulot ng naganap na trahedya.
Batay sa report ng Department of Foreign Affairs (DFA), kasamang nasawi ng Pilipina ang asawang Israeli at mga biyenan.
Trending
- Pulis-Maynila isa-summary dismissal, nananakot
- GM Antonio: Ika-5 sa Banja Open; hari sa 50+ division
- Ika-20 Kamatyas Chess Festival sa Nobyembre 21
- Gadgets sa barangay hall tinangay, 4 kawatan tiklo
- Paslit minolestiya, tambay dinampot
- May-ari ng pet crematorium sumuko sa NBI
- Bangkay sa CR , suspek tiklo
- ER sa Ospital ng Maynila napuno

