Pasahero nasawi nang mahulog sa barko

Nasawi ang isang pasahero nang mahulog mula sa isang barko sa Verde Island Passage, Batangas City.
Ayon sa Philippine Coast Guard (PCG) Batangas, nakatanggap ito ng ulat sa nangyaring insidente noong Biyernes, Mayo 1.
Agad namang nagsagawa rescue operation ang mga tripulante ng Calapan City-bound vessel, tumugon din ang mga tauhan ng PCG at nagsagawa ng first aid.
Isinugod din sa ospital ang naturang pasahero ngunit idineklarang dead on arrival.
Batay sa paunang imbestigasyon, nakahilig umano ang biktima sa railing ng barko bago mahulog mula sa itaas na deck.
Patuloy namang tinutulungan ng PCG ang pamilya at nakikipag-ugnayan sa shipping company para sa maayos na pag-uwi ng kanyang labi.
Muling pinaalalahanan ng PCG ang mga pasahero na sumunod sa mga safety protocol sa dagat.