PINAKAWALAN na ng Sacramento Kings si DeMar DeRozan, ang anim na beses na NBA All-Star na forward at 17-season na beterano, nitong Lunes matapos ang dalawang season sa koponan.
“Thank you for every bucket, every big moment, and every time you represented Sacramento. Wishing you all the best in your next chapter,” Paskil ng Kings sa X.
Si DeRozan ay may average na 21.1 puntos, 4.3 rebounds, 4.1 assists at 1.0 blocked shots sa 1,264 na laro kasama ang Toronto Raptors, San Antonio Spurs, Chicago Bulls at Kings.
Ang 36-anyos na Amerikano, na tumulong sa Estados Unidos na makuha ang ginto sa Olympic sa Rio noong 2016 at ang korona sa 2014 Basketball World Cup, ay may average na 18.4 puntos, 4.1 assists, 2.9 rebounds, at 1.0 blocked shots kada laro noong nakaraang season.
Nguni’t, ang mga koponan ni DeRozan ay hindi nakapasok sa playoffs sa anim sa nakaraang pitong season, kasama na ang parehong kampanya niya sa Sacramento.
Si DeRozan ay nasa ikalimang pwesto sa lahat ng aktibong manlalaro ng NBA sa iskor at ika-16 sa lahat ng panahon ng iskor sa NBA na may 26,711 puntos.
Related Posts
