Bagyong Gardo lumabas na ng PAR

Lumabas na ng Philippine Area of Responsibility (PAR) ang Bagyong Gardo nitong Biyernes, Hunyo 26.
Ayon sa PAGASA, bandang 10:00 ng umaga nang huling namataan ang sentro ng tropical storm sa layong 1,310 kilometro hilagang-silangan ng Extreme Northern Luzon.
Taglay nito ang 95 kph na lakas ng hangin at pagbugsong umaabot sa 115 kph.
Inaasahang magpapatuloy ang bagyo sa pagkilos pahilagang-silangan patungong Japan habang nananatili ang kasalukuyang lakas nito sa susunod na 12 oras.