Bilang ng boto para ma-convict si VP Sara binabaan

NAGDESISYUN na ang mayoryang miyembro ng Senate impeachment court na bawasan ang bilang ng boto na kailangan o threshold upang ma-convict si Vice President Sara Duterte kaugnay ng ga reklamong inihain sa kanya sa korte.
Sa botohan, 13 senator-judges ang pumabor sa apela ni Senator-Judge Erwin Tulfo, habang isa lamang ang kumontra.
Nabaligtad ang naunang ruling ni Presiding Officer Francis Escudero noong Hulyo 6 na nagtakda ng 16 na boto na kailangan para sa conviction.
Hindi nakilahok sa botohan ang anim na senator-judges na sina Alan Peter Cayetano, Pia Cayetano, Bong Go, Imee Marcos, Robin Padilla at Camille Villar.
Si Escudero ang nag-iisang bumoto laban sa apela dahil siya mismo ang naglabas ng naunang ruling na kinuwestiyon ni Tulfo.(Nino Aclan)