P4.9M multa ‘di pa nababayaran ni Tab Baldwin, Ateneo

Hindi pa umano nababayaran ng basketball coach na si Tab Baldwin at ng Ateneo de Manila University ang ipinataw na P4.9 milyong fine ng Department of Labor and Employment (DOLE).

Ang naturang multa ay kaugnay ng pagkamatay ng mga Ateneo men’s basketball team player na sina Rene Baterbonia at Divine Adili, na nalunod sa Dipaculao, Aurora.

Ayon kay Labor Secretary Francis Tolentino, naghain ng apela sa nasabing desisyon ng kawanihan ang kampo ni Baldwin at ang pamunuan ng Ateneo sa Office of the President.

“Sa ngayon po, ‘yan po ay nasa Office of the President na, at hindi pa ho nagbabayad ng P4.9 million si Coach Baldwin at ang Ateneo,” pahayag ni Tolentino sa pagdinig ng Kamara sa proposed 2027 budget ng DOLE nitong Martes, Setyembre 8.