42°C heat index mararanasan sa Cotabato City

Patuloy na mararamdaman sa maraming lugar sa bansa ang mainit na panahon ngayong Lunes, Abril 13, ayon sa PAGASA.
Batay sa heat index forecast ng PAGASA, aabot sa 42°C ang pinakamataas na heat index na mararanasan sa Cotabato City.
Mararamdaman naman ang 41°C heat index sa Cavite City; Coron, Palawan; Dumangas, Iloilo; Borongan, Eastern Samar; at Zamboanga City.
Samantala, 40°C naman sa Pasay City; Aparri, Cagayan; Tuguegarao, Cagayan; San Ildefonso, Bulacan; at Tanauan, Batangas.