Nasawi ang dalawang bata ar dalawang ang nakaligtas nang malunod habang naliligo sa ilog Cagayan na sakop ng Brgy. Sta Isabel Norte, City of Ilagan, Isabela.
Ang biktima dalawang 10-anyos na mga batang babae at residente rin sa nabanggit na lugar.
Sa paunang pagsisiyasat, hapon noong Marso 28, nagtungo ang apat na bata sa ilog at nagkayayaang maligo. Nguni’t sa lakas ng agos ng tubig, tinangay ang mga bata sa malalim na bahagi ng ilog.
Nagkataon na may isang residente ang nasa lugar at sumaklolo sa nalulunod na mga bata. Naisalba ang dalawang bata ngunit bigo naman ang dalawang iba pa.
Nang matanggap ang ulat, kagyat namang nagsagawa ng search and rescue operation ang mga awtoridad at matapos ang higit isang oras na paghahanap ay narekober ang wala nang buhay na dalawang bata.
Samantala, tumanggi na ang mga magulang ng mga biktima na isailalim ang mga labi sa otopsiya ngunit labis ang paghihinagpis.
Nagpapaalala naman ang mga awtoridad na huwag payagang maligo ang mga bata nang walang superbisyong ng nakatatanda upang maiwasan ang ganitong mga insidente.
Trending
- Pulis-Maynila isa-summary dismissal, nananakot
- GM Antonio: Ika-5 sa Banja Open; hari sa 50+ division
- Ika-20 Kamatyas Chess Festival sa Nobyembre 21
- Gadgets sa barangay hall tinangay, 4 kawatan tiklo
- Paslit minolestiya, tambay dinampot
- May-ari ng pet crematorium sumuko sa NBI
- Bangkay sa CR , suspek tiklo
- ER sa Ospital ng Maynila napuno

