Ipinakita ng Department of Education (DepEd) ang patuloy na mga reporma sa Pilipinas para palakasin ang foundational learning sa 2026 Education World Forum (EWF) na ginanap sa London mula Mayo 17 hanggang 20.
Ayon kay DepEd Undersecretary at Chief of Staff Fatima Lipp Panontongan, kailangan ng malalim at pangmatagalang reporma sa edukasyon upang mapabuti ang suporta para sa mga guro at mag-aaral.
“We recognized early on that educational decline cannot be solved through isolated projects or short-term campaigns,” aniya. “It requires structural reforms that strengthen how schools function, how teachers are supported, and how systems deliver results.”
Sa forum, kinilala rin ng mga international counterparts ang malaking pondo ng pamahalaan para sa edukasyon, na umabot sa humigit-kumulang 4% ng gross domestic product (GDP) ngayong taon.
Kabilang sa mga binigyang-diin na programa ang School-Based Feeding Program para sa Kindergarten at Grade 1, distribusyon ng storybooks para sa Kindergarten hanggang Grade 3, at ang Academic Recovery and Accessible Learning (ARAL) program.
Ipinakita rin ng Pilipinas ang mga hakbang sa pakikipagtulungan sa ASEAN, kabilang ang ASEAN Leaders’ Declaration on Foundational Learning at ang paparating na ASEAN Work Plan on Education 2026–2030 na may programang ASEAN Academic Recovery and Catch-up Program (ASEAN ARC-UP).
Ayon kay Panontongan, “We believe learning recovery is now a shared regional responsibility that requires collective solutions.”
Kasama rin sa delegasyon sina DepEd Undersecretaries Carmela Oracion at Rafaelita Aldaba.
Related Posts
