Inanunsyo ng Philippine Olympic Committee (POC) nitong Biyernes, Hunyo 26, ang Alas Pilipinas men’s at women’s volleyball pool para sa 20th Asian Games sa Aichi-Nagoya, Japan sa Setyembre.
Para sa women’s pool, kabilang sina Jia De Guzman, Justine Yliyzeth Jazareno, Jennifer Nierva, Mhicaela Belen, Eya Laure, Angel Anne Canino, Thea Gagate, Fifi Sharma, Vanessa Gandler, Alleiah Jan Malaluan, Amie Provido, Nina Ytang, Janette Panaga, Erika Santos, Arah Panique, Marionne Angelique Alba, Maria Angelica Cayuna, Shaira Jardio at Alyssa Jae Solomon.
Nauna nang isinama si Shaina Nitura sa listahan ngunit inalis matapos sumailalim sa ankle surgery na mangangailangan ng tatlong buwang recovery.
Sa men’s pool naman, kasama sina Bryan Bagunas, Marck Espejo, Lloyd Josafat, Jude Garcia, Michaelo Buddin, Leo Ordiales, Al Bukharie Sali, Rwenzmel Taguibolos, Ave Joshua Retamar, Josh Ybañez, Adrian Villados, Vince Patrick Lorenzo, Kristofer Rodge Alejos at Trevor Torio.
===
Related Posts
