Miss Grand Thailand candidate natanggal pustiso habang nagpapakilala

Viral ang isang kandidata ng Miss Grand Thailand 2026 dahil sa hindi inaasahang eksena niya na naganap sa preliminary competition nitong Marso 25.
Habang ipinakikilala ng kandidatang si Miss Grand Pathum Thani Kamolwan Chanago ang kanyang sarili sa stage, bigla na lang natanggal ang kanyang pekeng ngipin.
Naagapan naman niya ito at hindi tuluyang nahulog. Tumalikod siya saglit para ayusin ito.
At dahil sa the show must go on, nagpatuloy pa rin sa pagrampa ang Thai beauty queen na parang walang nangyari.
Ibinahagi ang viral video ng insidente sa Facebook page na Missosology na umani ng samu’t saring reaksiyon mula sa mga netizen.
“She looks okay with her original teeth. Too bad for such an embarrassing moment.”
“D man lng nag polident.”
“Fake beauty.”
“Kasalanan yan ng dentists di dinikit ng ayos.”
“Oh my God, she was embarrassed in public because of her teeth.”