Mag-utol na Yulo nag-uwi ng gold, bronze medal sa Asian Championships

Nagpakitang-gilas ang magkapatid na Carlos at Eldrew Yulo matapos parehong makasungkit ng medalya sa floor exercise finals ng 13th Senior Artistic Gymnastics Asian Championships sa Zunyi, China nitong Sabado, Hunyo 20.
Nasungkit ni Carlos Yulo ang gintong medalya matapos magtala ng 14.700 puntos sa kanyang routine, bahagyang mas mataas kumapara sa 14.600 ni Shoma Tsukiyama ng Japan.
Samantala, nag-uwi ng bronze medal ang kanyang nakababatang kapatid na si Eldrew Yulo matapos makakuha ng 14.300 puntos. Ito rin ang kauna-unahang senior continental podium finish ni Eldrew.
Nakatakdang sumabak si Carlos sa finals ng parallel bars at horizontal bar, habang lalaban din si Eldrew sa horizontal bar event.