May mataas na tsansa na maging tropical depression sa loob ng 24 oras ang Low Pressure Area (LPA 06d) na nasa loob ng Philippine Area of Responsibility (PAR), ayon sa PAGASA.
Bandang 8:00 a.m., namataan ang LPA 390 kilometro silangan ng Guiuan, Eastern Samar.
Sa Martes, inaasahan ang malalakas na pag-ulan sa Sorsogon, Albay, Masbate, Northern Samar, Eastern Samar, Samar, Biliran, Leyte, at Romblon dahil sa LPA.
Babala ng PAGASA, maaaring mas malakas ang ulan sa mga bulubundukin at matataas na lugar. Pinayuhan ang publiko at mga lokal na disaster response office na magsagawa ng kinakailangang paghahanda upang maprotektahan ang buhay at ari-arian.
===
Related Posts
