Nag-aalok ang Harvard University ng libreng online courses sa artificial intelligence, data science, at programming na maaaring simulan ng mga interesadong mag-aaral ngayong Abril.
Self-paced ang mga kursong ito at may opsyonal na bayad na certificate na maaaring ilagay sa resume ng mga kalahok.
Kabilang sa mga iniaalok ang Data Science: Building Machine Learning Models, na nagtuturo ng mga batayan ng machine learning, kabilang ang cross-validation, regularization, training data, at predictive modeling, habang ginagabayan ang mga estudyante sa pagbuo ng movie recommendation system. Magsisimula ang kurso sa Abril 7 at tatagal hanggang Hunyo 17.
Available din ang Introduction to Data Science with Python, na nagbibigay ng hands-on training sa data science gamit ang Python at mga tool gaya ng Pandas, NumPy, at Scikit-learn. Tinuturuan din nito ang mga kalahok ng data analysis, model building, at evaluation para sa real-world applications. Tatakbo ang kurso mula Abril 7 hanggang Disyembre 7.
Para naman sa mga propesyonal, ang CS50’s Computer Science for Business ay naglalatag ng mga konsepto ng computer science para sa business decision-making, kabilang ang computational thinking, tech stacks, at cloud computing, nang hindi kinakailangang malalim ang kaalaman sa coding. Magsisimula ito sa Abril 7 at tatagal hanggang Disyembre 31.
Binuksan din ng Harvard ang CS50’s Web Programming with Python and JavaScript, na nagtuturo kung paano bumuo ng dynamic web applications. Saklaw nito ang APIs, database design, user experience, scalability, at deployment. Nagsisimula rin ang kurso sa Abril 7 at magtatagal hanggang Disyembre 31.
Para sa mga baguhan, maaari ring kunin ang CS50’s Introduction to Programming with Scratch, na gumagamit ng visual programming language upang ituro ang mga pangunahing konsepto sa coding sa pamamagitan ng drag-and-drop blocks. Magsisimula rin ito sa Abril 7 at magtatapos sa Disyembre 31.
Related Posts
