Nasawi ang isang konsehal nang pagbabarilin sa loob ng isang barangay hall at nakunan ng CCTV ang pag-atake na nagpapakita ng paulit-ulit na paghabol at pagbabarilin ng salarin sa biktimasa Calasiao, Pangasinan noong Miyerkules ng gabi, Mayo 27, 2026.
Kinilala ang biktima na si Jodel Diolazo, 31, incumbent barangay kagawad ng Barangay Poblacion East.
Ayon sa kuha ng CCTV ang isang motorsiklong huminto ilang metro ang layo mula sa barangay hall 11:35 ng gabi. Bumaba ang isang lalaki sa sasakyan at naglakad patungo sa gusali, kung saan nakahiga ang biktima sa isang folding bed.
Ayon sa pulisya, tinangka ng salarin na barilin ang biktima nguni’t hindi gumana ang baril, dahilan para makatayo si Diolazo at makatakbo.
Hinabol ng salarin ang biktima at binaril mula sa likuran sa loob ng barangay hall bago muling nagpaputok sa labas ng gusali at tumakas palabas ng lugar.
Dumating ang mga tanod ng baryo na nagpapatrolya sa malapit ilang sandali nguni’t tila nalilito sa insidente bago tumungo sa isang outpost ng pulisya, ayon sa kuha.
Ayon sa pulisya, nagtamo ang biktima ng apat na tama ng bala.
“Sa kanyang tiyan may tatlong tama tapos sa ulo may isang tama,” Police Lieutenant Colonel Rodel Gabatin, chief of the Calasiao Police Station, said.
Ayon sa mga imbestigador, may ilang anggulo silang sinisiyasat nguni’t tumangging magbigay ng mga detalye habang nagpapatuloy ang imbestigasyon.
Dagdag pa ng mga awtoridad, sinabi ng mga kamag-anak sa pulisya na wala umanong kilalang kaaway ang biktima.
“Ongoing ang ating backtracking sa mga CCTV footage para ma-trace natin kung sino ang possible na mga suspek,” wika ni Gabatin.
Narekober ng mga pulis sa pinangyarihan ng krimen ang apat na basyo ng bala at isang bala mula sa kalibre .45 na baril.
Humihingi ng hustisya ang mga kapamilya ng biktima matapos ang pagpatay.
“Sa gumawa nito sa aking kuya sana makonsensya kayo, buong pamilya namin ang nagdudusa ngayon,” wika ng kapatid ng biktima na si Jasper Diolazo.
Sa isang pahayag, kinondena ng Pangasinan Police Provincial Office ang karahasan at tiniyak sa publiko na isang masusing imbestigasyon ang isinasagawa.
Related Posts
