Impeachment court nag-isyu ng subpoena sa 2 dating SDO 

Nag-isyu ng mga bagong subpoena ang Senate impeachment court para sa dalawang dating special disbursing officers (SDO) mula sa mga ahensya na pinangunahan ni Vice President Sara Duterte para tumestigo sa kanyang impeachment trial.
Ito ang anunsyo ni Senate impeachment court presiding officer Francis “Chiz” Escudero dahil ang dating subpoena kay dating Office of the Vice President (OVP) SDO Gina Acosta at Edward Fajarda, na SDO ng Department of Education nang si Duterte ang kalihim ay sakop lamang ang trial dates na mula Agosto 10 hanggang 12.
Hindi pa nakaharap sina Acosta at Fajarda sa witness stand dahil tumagal ng dalawang araw ang pagtatanong kay state auditor Xylene Del Campo ng Commission on Audit Intelligence and Confidential Funds Audit Office, o nitong Agosto 11 at 12.
Ang impeachment trial ay ipinagpaliban noong Lunes, Agosto 10 dahil sa malalakas na ulan dala ng Habagat.
Nag-isyu rin ng kaparehong subpoena ang Senate impeachment court para kay House of Representatives Legislative Information Resources Management Department director Marivic Pareja sa kaparehong dahilan.
===