Umabot na sa $29 bilyon ang nagastos ng Estados Unidos sa digmaan nito sa Iran, ayon sa isang senior Pentagon official nitong Martes, mas mataas kumpara sa $25 bilyon na naunang tantiya noong huling bahagi ng Abril.
Ayon sa Pentagon, kasama sa updated na halaga ang gastos sa pagkukumpuni at pagpapalit ng military equipment, gayundin ang patuloy na operational costs kaugnay ng labanan.
Sinabi ni Jules Hurst, na kumikilos bilang comptroller, sa mga mambabatas na patuloy na nire-review ng mga opisyal ng depensa ang naturang tantiya.
“The joint staff team and the comptroller team are constantly looking at that estimate,” pahayag ni Hurst, kasama si Defense Secretary Pete Hegseth at Chairman of the Joint Chiefs of Staff Gen. Dan Caine.
Nauna nang iniulat ng Pentagon noong Abril 29 na nasa $25 bilyon na ang gastos sa digmaan, habang ayon sa isang source, umabot na umano sa hindi bababa sa $11.3 bilyon ang unang anim na araw pa lamang ng labanan.
Ang tinutukoy na US–Iran war (2026) ay naging isyung pampulitika rin sa Estados Unidos, kung saan iniuugnay ng mga Democrat ang gastos sa digmaan sa mas malawak na usaping ekonomiko habang papalapit ang midterm elections.
Gayunman, hindi pa malinaw kung paano eksaktong nakuha ng Pentagon ang kabuuang $29 bilyon na tantiya.
Related Posts
