DA inalis na ang import ban sa poultry products mula Argentina

Inalis na ng Department of Agriculture (DA) ang temporary ban sa pag-angkat ng mga poultry product mula sa Argentina.
Ito ay matapos umanong makontrol ng bansa ang pagkalat ng highly pathogenic avian influenza (HPAI).
Ayon sa DA nitong Martes, pinapawalang bisa na sa Department Circular 29 ang naunang import ban sa manok, ibon, itlog, day-old chicks, poultry meat, at poultry semen.
Ipinaliwanag ng DA at Bureau of Animal Industry na mababa na ang panganib ng kontaminasyon mula sa mga produktong galing Argentina batay sa kanilang pagsusuri.
“Restoring access to poultry products and breeding materials from Argentina strengthens our supply options at a time when food security remains a national priority,” ani DA Secretary Francis Tiu Laurel.
“A broader and more diversified sourcing base helps ensure adequate supply, supports the requirements of our poultry industry, and contributes to price stability for consumers while maintaining the strict biosecurity standards needed to protect local production,” dagdag pa niya.