Alex Eala nakakuha ng bye sa unang round

Nakatanggap ng first-round bye ang Pinay tennis star na si Alex Eala sa Indian Wells, dahilan para diretso siyang makapasok sa second round ng main draw.
Si Eala, na nasa ika-31 pwesto sa BNP Paribas Open, ay makakaharap ang mananalo sa unang round ng laban sa pagitan nina Zhang Shuai ng China at Dayana Yastremska ng Ukraine — dalawang bihasang manlalaro sa WTA Tour.
Si Zhang, ang World No. 62, ay isang tatlong beses na kampeon sa WTA singles at nagwagi ng Grand Slam doubles na nakarating sa quarterfinals ng Australian Open at Wimbledon sa singles.
Si Yastremska, kasalukuyang nasa ika-52 pwesto sa ranggo, ay umabot sa semifinals ng Australian Open noong 2024.
Sakaling matalo ni Eala ang kanyang kalaban sa ikalawang round, may posibleng rematch para sa kanya laban sa Amerikanong bituin na si Coco Gauff.
Nakatanggap din ng first-round bye ang No. 4 seed na si Gauff at sisimulan ang kanyang kampanya laban sa alinman kay Bianca Andreescu ng Canada o sa isang qualifier.
Tinalo ni Gauff ang Eala, 6-0, 6-2, nang magtagpo sila sa quarterfinals sa Dubai noong nakaraang buwan.
Si Mirra Andreeva ng Russia, ang world No. 8, ang defending champion sa Indian Wells.