KAMPEON ang Filipina tennis superstar na si Alex Eala nang imarka ang makasaysayang upset laban sa World Number Three at top seed na si Jessica Pegula sa Mubadala D.C. Open sa Washington DC, sa United States kanginang madaling araw.
Sa tatlong set na laban, pinatunayan ni Eala ang kanyang tibay at determinasyon: Four-Six, Six-Four, Six-Zero.
Natalo si Eala sa unang set, Four-Six, ngunit bumawi sa ikalawang set, Six-Four, upang itulak ang laban sa deciding set.
Sa ikatlong set, pinamalas niya ang matinding kumpiyansa at agresibong laro, tinapos ang laban sa isang bagong “bagel set”—Six-Zero —laban sa isang top‑ranked player.
Ito ang kauna‑unahang W.T.A. Five Hundred singles title ng isang Filipina, at inaasahang magtutulak kay Eala sa loob ng Top Twenty rankings.
Tatanggap si Eala ng higit sa labinlimang milyong pisong premyo bukod pa ang inaasahang multi-milyong dolyar na kontra sa mga big time commercial sponsors at endorsments.
Sa kaugnay na ulat, nasimot na ang gate tickets sa susunod na laban niya sa Toronto, Canada kung saan siya lilipat ng kompetisyon—dahil pinakyaw ng mga kapwa niya overseas Filipino.
Sa kanyang panalo, hindi lamang nakapagtala si Eala ng personal na milestone, kundi nagbigay rin siya ng bagong pag‑asa bilang “bagumbago at batambatang “Reyna ng Tennis sa daigdig”—na magsisilbing inspirasyon sa mga kabataang Pilipino sa kasalukuyang henerasyon!
