Leandro Leviste sumulat kay Erwin Tulfo, tutulong sa flood control inquiry

Sumulat si Batangas First District Rep. Leandro Leviste nitong Lunes, Hunyo 8 kay Senador Erwin Tulfo, chairperson ng Gatchalian-led Senate Blue Ribbon Committee, na handa itong magbigay ng impormasyon at tumulong sa legislative inquiry sa maanomalyang flood control projects.
Ipinadala ni Leviste ang liham na may petsang Hunyo 5, 2026 sa opisina ni Tulfo at sinabing siya ay may impormasyon na maaari umanong maipresenta sa flood control probe.
“I would like to present information relevant to this at your earliest convenience. I would appreciate being informed by your office if this may be possible,” saad sa liham.
“I remain available to assist in any investigation on flood control projects and other projects of the Department of Public Works and Highways (DPWH),” dagdag pa niya.
Sinabi pa ng mambabatas na nauna niya nang hiningi ang contact details ni Tulfo sa kanyang ina na si Senador Loren Legarda ngunit hindi umano ito binigay.
“In full disclosure, I have been asking my mother to share with me your contact details, but she has not, so I am sending this to your email address from the official Senate website,” sinabi ni Leviste.