Naisubasta ng Bureau of Customs (BOC) ang isa lamang sa 12 luxury cars na iniuugnay sa ilegal na Philippine Offshore Gaming Operators (POGO) nitong Martes, Abril 28.
Ayon sa BOC, ang tanging naibentang sasakyan, isang 2023 Rolls-Royce Phantom sa halagang P25,542,999.45.
Samantala, kabilang naman sa mga hindi naibenta ang 2019 Toyota Alphard (na may floor price na P2.6 milyon), 2018 Lexus LX570 (P2.7 milyon), 2021 Land Rover Range Rover (P6.1 milyon), 2024 BMW XM (P7.9 milyon), at 2021 Mercedes Benz AMG GT (P9.6 milyon).
Gayundin ang 2023 Land Rover Range Rover (P11 milyon), 2022 Rolls-Royce Phantom (P38.3 milyon), 2022 Ferrari SF90 Stradale (P39.1 milyon), 2024 Ferrari SF90 Stradale-Mansory (P43.4 milyon), 2022 Mercedes Benz G650 V12 Biturbo (P63.3 milyon), at 2021 McLaren Senna (P102 milyon).
Inihayag naman ng BOC na magsasagawa muli ito ng auction para sa natitirang 11 luxury cars.
Related Posts
